Op aanvraag
In die Kgalagadi Nasionale Park beleef ons asemrowende natuurtonele (diere, voëls en sonsondergange). Ons word verkwik met rustigheid en word vermaak met die geroep van jakkalse, terwyl ons om die braaivleisvuur sit. Witsand word geken aan sy spierwit Kalahari-sandduine en ons besoek ook die bekende brulsand wat onder gunstige omstandighede “brul” as dit versteur word.
Kosmos Toere beskik oor ‘n verskeidenheid van luukse en semi-luukse busse. Ons vloot sluit in 13-sitplek, 21-sitplek, 25-sitplek en 39-sitplek. Busse is toegerus met lugreëling, verstelbare ruglenings, yskas, klankstelsel en toilet (slegs 39-sitplek).
Bo-en-behalwe ons geskeduleerde toerpakkette is ons busse ook beskikbaar vir verhuring aan privaatgroepe en ander instansies na enige bestemming in Suidelike Afrika. Ons kan ook vir u ‘n volledige toerpakket uitwerk na gelang van u spesifieke behoeftes en begroting.
Verder tree ons ook op as verhuringsagent vir enige grootte bus na enige bestemming in Suidelike Afrika met betroubare verskaffers landswyd.
Ons busse voldoen aan al die vereistes en beskik oor al die nodige permitte en versekering soos vereis deur wetgewing.
